FİFA da İsraillə bağlı yekun qərarı açıqladı

UEFA-nın ardınca FİFA da İsraillə bağlı qərar qəbul etdi.

Offsideplus.az xəbər verir ki, FIFA prezidenti Canni İnfantino İsrailin beynəlxalq yarışlardan kənarlaşdırılmayacağını açıqlayıb. O, qurumun siyasi problemləri həll etmək səlahiyyətində olmadığını, amma futbol vasitəsilə sülh və birliyi təşviq etməli olduğunu vurğulayıb.

Qərar 2022-ci ildə Rusiyanın Ukraynaya müdaxiləsindən sonra FİFA və UEFA-nın Rusiya millisinin və klublarının bütün yarışlardan uzaqlaşdırılması ilə müqayisə edilir. Həmin vaxt addım beynəlxalq sanksiyalar fonunda atılmışdı.

İsraillə bağlı vəziyyət isə Qəzza müharibəsi fonunda müzakirə olunur. Türkiyə rəsmi şəkildə FIFA və UEFA-ya İsrailin üzvlüyünün dayandırılması ilə bağlı müraciət edib. Norveç də mövzunun UEFA-da gündəmə gətirilməsini istəyib. Lakin ABŞ Dövlət Departamenti İsrailin futbol statusunu qorumaq üçün dəstək verəcəyini açıqlayıb.

UEFA da FIFA ilə eyni mövqedən çıxış edərək İsrailə qarşı sanksiya tətbiq etməyib.

FİFA prezidenti İnfantino bəyanatında bildirib:
“Futbolun birləşdirici, təhsil, mədəniyyət və humanitar dəyərlərini istifadə etməliyik.”

Xatırladaq ki, FIFA əvvəllər Yuqoslaviyanı (1992) və Cənubi Afrikanı (aparteid dövründə) beynəlxalq yarışlardan kənarlaşdırmışdı. Bu da qərarın ikili standartlarla bağlı müzakirələrə səbəb olub.

[xfgiven_embed] [/xfgiven_embed] [xfgiven_youtube][/xfgiven_youtube]