Savat idman növü üzrə Azərbaycan çempionatı keçirildi -Fotolar

1-3 dekabr 2024 tarixlərində Hövsan Olimpiya İdman Kompleksində Savat idman növü üzrə ölkə çempionatı və birinciliyi keçirildi.
aia.az xəbər verir ki, Qartal Peşəkar İdman Klubu həmin yarışda 7 idmançı ilə təmsil olunurdu. Yarışda qızlar arasında 44 kq çəki dərəcəsində Məmmədova Nərmin və 52 kq çəki dərəcəsində İsmayılova Nuray bütün rəqiblərinə qalib gələrək ölkə birinciliyinin qalibi olublar, yeniyetmələr arasında Cavadov Mehdi 33 kq, İsmayılov Fuad 36 kq ikinci yerə, Orucəliyev Tural ise 40 kq ,Məmmədzadə Teyyar 52 çəki dərəcəsində 3-cü yerə layiq görülüblər. Peşəkarlar arasında 80 kq çəki dərəcəsində Mədət İbrahimov bütün rəqiblərinə qalib gələrək həm ölkə çempionu adını , həmdə peşəkar döyüşü kariyerasinda 16-ci qələbəsini qazandı.

Qartal Peşəkar İdman Klubunun Prezidenti Yaqub İbrahimov qarşıdan gələn yarışlara daha ciddi hazırlaşacaqlarını ,hər yarışda daha çox uğur qazanacaqlarını və yarışlarda klubunun idmançılarına dəstək olan hər kəsə dərin təşəkkürünü bildirdi
Qartal Peşəkar Idman Klubunun idmançılarının bu yarışda iştirak etməsində böyük rolu olan və hər zaman dəstək olan Academy Qalib kurslarına və “Nice Grou” şirkətinə dərin təşəkkür edirik və eyni zamanda “Nur” uşaq evinin rəhbəri Aynurə xanım başda olmaqla bütün komandasına da xüsusi minnətdarlığımızı bildiririk.