Rusiya Prezidentinin mətbuat katibi Dmitri Peskov Türkiyə prezidenti Rəcəb Tayyib Ərdoğanın Krımın Ukraynanın nəzarətinə qaytarılması ilə bağlı bəyanatına münasibət bildirib.
Bu barədə “Kommersant” xəbər verir.
Peskovun sözlərinə görə, Rusiya və Türkiyə bu məsələdə tamamilə razılaşmırlar, lakin Rusiya tərəfi öz mövqeyini Türkiyə tərəfinə çatdırmaqda davam edir:
“Eyni zamanda, türkiyəli dostlarımıza və həmkarlarımıza öz nöqteyi-nəzərimizi, mövqeyimizi izah etməyə davam etmək üçün məqsədyönlü cəhdlərdən əl çəkmirik. Ümid edirik ki, bu, zaman keçdikcə Ankaraya bizi daha yaxşı başa düşməyə, arqumentlərimizi daha yaxşı qiymətləndirməyə və razılaşmağa imkan verəcək”.
Xatırladaq ki, sentyabrın 11-də Türkiyə Prezidenti Rəcəb Tayyib Ərdoğan IV Krım Platforması Sammitində yayımlanan videomüraciətində bildirmişdi ki, Krımın Ukraynaya qaytarılması beynəlxalq hüquq tələb edir və Rusiya-Ukrayna münaqişəsinə Ukraynanın suverenliyi əsasında son qoyulmalıdır.
[xfgiven_embed] [/xfgiven_embed] [xfgiven_youtube][/xfgiven_youtube]
Qərbin planında Ukraynanın qələbəsi yer almır: Rusiyanın məğlub edilməsi məhz NATO-ya həvalə edilib
Bakı Kreml və Kiyevi sülh masasına çəkir: Azərbaycan Rusiya-Ukrayna sazişini bərpa edir, savaşı bitirmək planı qurur
Professor Rusiya-Ukrayna müharibəsinin həllindən danışdı: "Azərbaycan vasitəçi ola bilər"
Eldar Quliyev: “Növbədənkənar Parlament seçkiləri milli maraqlarımız baxımından müstəsna siyasi əhəmiyyət kəsb etməklə, Azərbaycandakı sabitliyin və inkişafın daha bir nümayişi oldu”
Ermənistanın artan Naxçıvan təxribatlarında “Çin məsələsi” - ŞƏRH
