Səxavət və mənəviyyatla dolu bir ömür yolu

Hacı Fərəc müəllim – xeyirxahlığın, sadəliyin və dövlətə sədaqətin rəmzi

Cəmiyyətimizdə elə insanlar var ki, onların fəaliyyəti, şəxsiyyəti və həyat tərzi minlərlə insana nümunə olur. Onların adları sadəcə bir fərdi tanıtmır, həm də mənəvi dəyərlərin, milli-mənəvi birlik hissinin, səxavətin və insaniyyətin təcəssümünə çevrilir. Məhz belə insanlardan biri də Hacı Fərəc müəllimdir.

Hacı Fərəc müəllim uzun illərdir ki, sadə, təvazökar, lakin dərin mənəviyyata malik bir insan kimi tanınır. Onun həyata baxışı, dini və milli dəyərlərə bağlılığı, ailəsinə, ətrafına və bütövlükdə cəmiyyətə göstərdiyi münasibət, onu hər kəsin hörmətini qazandırıb. Hacı Fərəc müəllim sözün əsl mənasında xeyirxahlıq simvoludur. O, illərdir aztəminatlı ailələrə yardım etməyi, şəhid və qazi ailələrinin yanında olmağı, ehtiyac içində olanlara dəstək göstərməyi özünə mənəvi borc bilib.

Onun fəaliyyəti, həm də bir vətəndaş mövqeyini ifadə edir. Hacı Fərəc müəllim dövlətçilik ideyalarına sadiq, Prezident İlham Əliyevin həyata keçirdiyi siyasətə daim açıq dəstək verən, ölkənin inkişafı və sabitliyi naminə dua edən bir şəxsiyyətdir. O, daim xalqla dövlətin birliyinin vacibliyini təbliğ edir, xüsusən də gənc nəsli milli ruhda böyütmək üçün hər zaman tövsiyələr verir.

Qurban Bayramı kimi müqəddəs və mənəvi dəyər daşıyan bir gündə Hacı Fərəc müəllimin xeyirxahlığı daha da ön plana çıxır. Hər il bayram ərəfəsində ehtiyacı olan ailələr üçün qurbanlar kəsdirən, paylar paylayan, onlara mənəvi dayaq olan bu insan, dini ibadətləri sadəcə fərdi məsuliyyət deyil, ictimai və insani vəzifə kimi qəbul edir. Onun təşəbbüsü ilə bu gün yüzlərlə ailə Qurban Bayramını sevinc və ümidlə qarşılayır.

Hacı Fərəc müəllim öz həyatını daim Allaha yaxın olmaq, insanlara fayda vermək və doğru yolda yürümək fəlsəfəsi ilə qurub. O, mənəvi paklıqla maddi dəstəyi bir arada tutaraq həm dini, həm də vətəndaşlıq borcunu ləyaqətlə yerinə yetirən dəyərli şəxsiyyətlərdən biridir.

Bu mübarək gün münasibətilə Hacı Fərəc müəllim bütün xalqımızı, xüsusilə də şəhid ailələrini, qaziləri, ehtiyacı olan insanları Qurban Bayramı münasibətilə səmimi qəlbdən təbrik edir, onlara bol ruzi, can sağlığı, firavanlıq və əmin-amanlıq arzulayır.

O, bildirir ki, Qurban Bayramı – mərhəmətin, səxavətin, birliyin və bağışlanmanın günüdür. Bu bayram hər birimizin mənəviyyatını təzələyən, insanlıq borcunu xatırladan, həmrəyliyimizi gücləndirən müqəddəs gündür. Hacı Fərəc müəllim bu günün feyzindən hər kəsin pay almasını, duaların qəbul olunmasını və Azərbaycan xalqının daim rifah içində yaşamasını arzulayır.

[xfgiven_embed] [/xfgiven_embed] [xfgiven_youtube][/xfgiven_youtube]