Azərbaycan İdeyası

İlham Əliyev İtaliyada Beynəlxalq Çernobbio Forumunda çıxış edir - YENİLƏNİB

Tarix:6-09-2024, 12:21
Baxış Sayı:2

İlham Əliyev İtaliyada Beynəlxalq Çernobbio Forumunda çıxış edir - YENİLƏNİB

Azərbaycan Respublikasının Prezidenti İlham Əliyev “Dünya, Avropa və İtaliya haqqında bilgilər” mövzusuna həsr olunmuş Beynəlxalq Çernobbio Forumunda “Yeni geosiyasi şəraitdə Azərbaycanın rolu” adlı sessiyada çıxış edib.

***

Azərbaycan Prezidenti İlham Əliyev “Dünya, Avropa və İtaliya haqqında bilgilər” mövzusuna həsr olunmuş Beynəlxalq Çernobbio Forumunda “Yeni geosiyasi şəraitdə Azərbaycanın rolu” adlı sessiyada çıxış edir.

***

İtaliyanın “The European House - Ambrosetti” beyin mərkəzi tərəfindən təşkil olunan “Rəqabətli strategiyalar üçün bu günün və sabahın ssenarisi” mövzusunda 50-ci yubiley Beynəlxalq Çernobbio Forumu (TEHA Forumu) işə başlayıb.

"Report"un Çernobbioya ezam olunmuş əməkdaşı xəbər verir ki, Komo gölünün sahilindəki Villa d'Estedə sentyabrın 6-dan 8-dək keçiriləcək ənənəvi forumda Azərbaycan Prezidenti İlham Əliyev, İtaliya Nazirlər Şurasının Sədri Ciorcia Meloni, Ukrayna Prezidenti Volodimir Zelenski, Macarıstanın Baş naziri Viktor Orban və İordaniya Kraliçası Raniyə əl-Abdullahın iştirakı gözlənilir. İtaliya Prezidenti Sercio Mattarella beynəlxalq tədbir iştirakçılarına videomüraciət ünvanlayıb.

Forumda 6 ölkənin dövlət və hökumət başçıları, İtaliyanın 13 yerli icraedici orqanının rəhbəri və 11 nazir, ümumilikdə isə 27 ölkədən siyasi, akademik, institusional və biznes sahəsində məruzəçilər və qonaqlar iştirak edəcəklər. Hər il 300 məruzəçinin iştirak etdiyi, 400-dək jurnalistin işıqlandırdığı tədbirin baş tutması üçün 1300-dən çox insan çalışır. Forum İtaliya üçün təxminən 4 milyon avro sosial-iqtisadi təsirə malikdir və ÜDM-ə 2 milyon avro töhfə verir.

1975-ci ildən bəri hər il sentyabr ayında təşkil olunan və Çernobbio Forumu kimi tanınan beynəlxalq tədbirdə dünya iqtisadiyyatı və cəmiyyətlər qarşısında duran cari məsələlər, problemlər müzakirəyə çıxarılır. Tədbirin birinci günü adətən iqtisadi, geosiyasi, elmi və texnoloji sahədə qlobal problemlərə həsr olunur. İkinci gün əsas diqqət Avropaya yönəldilir və Avropa İttifaqı ilə bağlı ən aktual məsələlər müzakirə edilir. Üçüncü gün isə hökumət nümayəndələrinin, rəsmilərin, biznes və maliyyə sahəsinin mühüm şəxslərinin iştirakı ilə İtaliyaya həsr olunur.

Builki forum çərçivəsində həmçinin Villa d'Estedə “Dünyaya 50 illik baxış” adlı fotosərgi açılıb.

[xfgiven_embed] [/xfgiven_embed] [xfgiven_youtube][/xfgiven_youtube]

OXŞAR XƏBƏRLƏR
Dünyanın müxtəlif ölkələrindən "Qarabağ"a sürpriz
Dünyanın müxtəlif ölkələrindən "Qarabağ"a sürpriz
Mərkəzi Bank faiz qərarı verdi
Mərkəzi Bank faiz qərarı verdi
Qumrala 50 min manatlıq maşın hədiyyə etdilər - Tanınmış iş adamı
Qumrala 50 min manatlıq maşın hədiyyə etdilər - Tanınmış iş adamı
Netanyahu və müşaviri arasında Qəzza böhranı istefa ilə bitdi
Netanyahu və müşaviri arasında Qəzza böhranı istefa ilə bitdi
Türkiyədə zəlzələ baş verib
Türkiyədə zəlzələ baş verib
Abramoviç "Qalatasaray"ı almaq istəyir? - Rəsmi - Yenilənib
Abramoviç "Qalatasaray"ı almaq istəyir? - Rəsmi - Yenilənib
Bu mesajlar məhdudlaşdırılacaq - “WhatsApp”dan yenilik
Bu mesajlar məhdudlaşdırılacaq - “WhatsApp”dan yenilik
Öz ərizəsi ilə işdən çıxmışdı, cinayət məsuliyyətinə cəlb edildi
Öz ərizəsi ilə işdən çıxmışdı, cinayət məsuliyyətinə cəlb edildi