Tbilisidə son vəziyyət necədir?

Gürcüstanın paytaxtı Tbilisidə dünən axşam da hökumət əleyhinə aksiya təşkil edilib.

“Qafqazinfo” “Sputnik Gürcüstan”a istinadən xəbər verir ki, aksiya iştirakçıları ölkə parlamentinin yaxınlığında Rustaveli prospektini bağlayıblar. 

Gürcüstan prezidentinin iqamətgahının qarşısında isə xüsusi təyinatlı dəstələr patrul xidməti aparıb.

Aksiya oktyabrın 4-də baş verən iğtişaşlarla müqayisədə sakit şəkildə baş tutub.

Ölkənin Daxili İşlər Nazirliyi isə yaydığı məlumatda bildirib ki, yaxın günlərdə keçirilən istənilən toplantı oktyabrın 4-ü baş verən iğtişaş və hökumətin devrilməsinə cəhdin davamı kimi qiymətləndiriləcək: “İctimai asayiş və təhlükəsizliyə təhdidin qarşısının alınması üçün müvafiq tədbirlər görəcəyik”.

Bu gün səhər isə Gürcüstan paytaxtında vəziyyətin stabil olduğu müşahidə edilir. 

Xatırladaq ki, oktyabrın 4-də Tbilisidə etiraz aksiyası keçirilib. Etirazçılar bu zaman Prezident Sarayına daxil olmağa cəhd ediblər. İnsident zamanı 14 polis xəsarət alıb.

[xfgiven_embed] [/xfgiven_embed] [xfgiven_youtube][/xfgiven_youtube]