Yol Nəzarətindən Xalq Xidmətinə – Ramil Bayramovun Fəalliyyəti Yalnız Asfaltla Ölçülmür

Hər bir inkişaf etmiş ölkənin əsas dayaqlarından biri güclü və sistemli yol təsərrüfatıdır. Yollar yalnız asfalt örtüyü deyil, eyni zamanda iqtisadiyyatın, kənd təsərrüfatının, sosial həyatın və ümumilikdə komfortlu yaşayışın əsas arteriyasıdır. Bu ağır və məsuliyyətli sahədə yorulmadan çalışan insanlar arasında 29 saylı Yol İstismar İdarəsinin rəisi Ramil Bayramov xüsusi hörmətlə anılır.

Ramil Bayramov işinə sadəcə vəzifə kimi deyil, xidmət missiyası ilə yanaşır. O yaxşı bilir ki, bəzən bir yol sahəsinin vaxtında təmiri xəstəxanaya gedən xəstənin həyatını, məktəbə gedən uşağın təhlükəsizliyini, qazanc üçün bazara tələsən kəndlinin ruzisini təmin edir. Bu düşüncə ilə hər bir işin üzərinə məsuliyyətlə gedir və texniki prosesləri yalnız rəqəmlərlə yox, nəticənin sosial dəyəri ilə ölçür.

Onun rəhbərliyi ilə idarədə müasir iş prinsipləri formalaşdırılıb. Briqadalar sutkalıq növbələrlə fasiləsiz fəaliyyət göstərir, qəza halları zamanı operativ müdaxilə təmin edilir. Qış mövsümündə buzlanmaya qarşı duz-qum qarışığının səpilməsi, yağışlı havalarda yağış sularının axıdılması üçün kanalların təmizlənməsi kimi profilaktik tədbirlər qabaqlayıcı şəkildə həyata keçirilir. Bu isə sonradan daha ağır problemlərin qarşısını alır.

Ramil Bayramov üçün ən önəmli amillərdən biri şəffaf və məsuliyyətli idarəçilikdir. O, gözdən kənarda qalmağı sevmir, əksinə, işləri açıq şəkildə nümayiş etdirir, əhali ilə canlı təmasda olur. Sakinlərin şikayətləri, sürücülərin iradları və təklifləri onun üçün dəyərli məlumatdır. O, heç vaxt masadan idarəçilik etmir – hər zaman sahədədir, texnikanın yanında, işçinin yanında, yoldan keçənin yanında…

Onun haqqında ən çox deyilən cümlə budur: “Bizim yoldan özü istifadə edirmiş kimi işləyir.” Bu, bir rəhbər üçün ən yüksək qiymətdir. Çünki yola yalnız idarə olunan sahə kimi deyil, insanlara aid olan bir etibar kimi yanaşmaq böyük mədəniyyət tələb edir.

Ramil Bayramov həmçinin sosial məsuliyyətini də unutmayan şəxslərdəndir. Şəhid ailələrinin yaşadığı küçələrə xüsusi diqqət yetirməsi, qazilərin evlərinə gedən yolların prioritet qaydada təmir etdirilməsi onun vətəndaşlıq mövqeyinin təcəssümüdür. O, bu xidmətləri heç vaxt reklam kimi təqdim etmir – sadəcə, “bu mənim borcumdur” deyib yanında dayanır.

Əgər bir idarənin uğuru yalnız texnika sayına və asfalt həcminə görə yox, insanlar tərəfindən dualarla xatırlanmasına görə ölçülürsə, o zaman 29 saylı Yol İstismar İdarəsi və onun rəhbəri Ramil Bayramov bu nümunəyə tam uyğundur. Çünki o, gördüyü hər işə yalnız texniki yox, həm də mənəvi dəyər qatır.

Bu gün yollarımız daha təhlükəsizdirsə, yük avtomobilləri rahat hərəkət edirsə, kəndlilər məhsullarını bazara gecikmədən çatdırırsa, bu işdə Ramil Bayramov kimi fədakar insanların payı danılmazdır.

[xfgiven_embed] [/xfgiven_embed] [xfgiven_youtube][/xfgiven_youtube]