İmanla Sədaqətin Ünvanı – Hacı Həsən Rüstəmovun Dini-Mənəvi Missiyası

Binə qəsəbəsində yerləşən İmam Rza (ə) məscidinin axundu Hacı Həsən Rüstəmov, illərdir ki, dini xidmətləri, mənəviyyat işığında apardığı maarifçilik fəaliyyəti və insanlarla quran ürəkdən ünsiyyəti ilə seçilən, vətəninə, dininə və xalqına sadiq bir şəxsiyyət kimi tanınır.

Dini təhsil və islami dəyərlərlə erkən yaşlarından tanış olan Hacı Həsən Rüstəmov, bu sahədə qazandığı dərin elmi bilik və təcrübəni cəmiyyətin mənəvi ehtiyaclarına yönəltməklə, təkcə bir din adamı kimi deyil, həm də insanlara yol göstərən mənəvi bələdçi kimi tanınır. Onun rəhbərlik etdiyi İmam Rza (ə) məscidi, bugün bölgənin yalnız ibadət deyil, həm də mənəvi maarifləndirmə mərkəzinə çevrilmişdir.

Hacı Həsən Rüstəmovun fəaliyyətinin əsas özəlliklərindən biri də şəhid ailələrinə və müharibə qazilərinə göstərdiyi diqqət və ehtiramdır. O, daim onların yanında olmuş, dini mərasimlərdə şəhidlərin ruhuna dualar oxutdurmuş, ailələrinə mənəvi dayaq olmuşdur. Xüsusilə Vətən Müharibəsi dövründə və ondan sonrakı illərdə göstərdiyi həssas yanaşma, onun nə qədər böyük qəlbə sahib olduğunu bir daha sübut etmişdir.

Hacı Həsən Rüstəmov həmçinin Binədə keçirilən el şənlikləri, toy və xeyriyyə tədbirlərində də daim iştirak edir. Onun səmimi çıxışları, mərasimlərdəki duaları və xalqın adət-ənənələrinə olan hörməti tədbirlərə xüsusi bir ruh bəxş edir. O, həm xalqla iç-içə, həm də Allaha bağlı bir həyat yaşamağın canlı nümunəsidir.

Cəmiyyətin müxtəlif təbəqələri, xüsusilə də gənclər Hacı Həsən müəllimi mənəvi dayaq, örnək bir insan kimi tanıyır. Onun söhbətləri həm dinin incəliklərini öyrədir, həm də həyatın mənasını anlatmaq baxımından böyük dəyərə malikdir.

Bugün Hacı Həsən Rüstəmovun fəaliyyəti təkcə bir məscid axundu kimi deyil, eyni zamanda mənəviyyatın daşıyıcısı və sülhün təbliğatçısı kimi qiymətləndirilir. Onun timsalında biz, dini və ictimai dəyərlərin vəhdətini görürük – inamla, sədaqətlə, mərhəmətlə dolu bir yol.

[xfgiven_embed] [/xfgiven_embed] [xfgiven_youtube][/xfgiven_youtube]