Azərbaycan İdeyası

Moped istifadəsi üçün sürücülük vəsiqəsi TƏLƏB OLUNACAQ

Tarix:17-10-2025, 13:25
Baxış Sayı:0

Moped istifadəsi üçün sürücülük vəsiqəsi TƏLƏB OLUNACAQ

Moped idarə etmək üçün sürücülük vəsiqəsinin alınması tələb olunacaq və mopedlər dövlət qeydiyyatına alınaraq uçota götürüləcək.

Bu məsələ Milli Məclisin bugünkü plenar iclasında müzakirə olunan "Yol hərəkəti haqqında" Qanunda dəyişiklik edilməsi barədə qanun layihəsində öz əksini tapıb.

Layihəyə əsasən, moped kiçik elektrik nəqliyyat vasitələri istisna olmaqla elektrik mühərriki olan və ya iş həcmi 50 kub santimetrdən çox olmayan mühərriklə hərəkətə gətirilən və maksimum konstruksiya sürəti saatda 50 kilometrdən yüksək olmayan iki və ya üç təkərli nəqliyyat vasitəsidir.

Bu qanunun 27, 29, 33, 34 və 37-ci maddələrinin tələbləri istisna olmaqla asma mühərrikli velosipedlər və oxşar xüsusiyyətli digər nəqliyyat vasitələri də mopedlərə bərabər tutulacaq.

Həmçinin, Azərbaycan ərazisində bütün mexaniki nəqliyyat vasitələri və onların qoşquları, habelə mopedlər bu qanunla və bu qanuna uyğun olaraq müvafiq icra hakimiyyəti orqanının müəyyən etdiyi orqanın (qurumun) təsdiq etdiyi əsasnamə ilə müəyyən edilmiş qaydada dövlət qeydiyyatından keçirilərək uçota alınacaq.

Bundan əlavə, Azərbaycan ərazisindəki yollarda mopedi idarəetmə hüququ "A1" kateqoriyalı sürücülük vəsiqəsi əsasında həyata keçiriləcək.

Bundan əlavə, asma mühərrikli velosipedlər və oxşar xüsusiyyətli digər nəqliyyat vasitələri (mopedlər istisna olmaqla) yalnız yolun sağ kənar zolağında, yol nişanları və ya yol nişanlanmasının tələblərinə riayət etməklə, mümkün qədər sağ tərəfdə bir cərgə ilə hərəkət etməlidirlər.

Asma mühərrikli velosiped və oxşar xüsusiyyətli digər nəqliyyat vasitəsi (moped istisna olmaqla) sürücülərinə asma mühərrikli velosiped və ya oxşar xüsusiyyətli digər nəqliyyat vasitələri (mopedlər istisna olmaqla) ilə birgə istismar üçün nəzərdə tutulan qoşqunun yedəyə alınması istisna olmaqla asma mühərrikli velosipedləri və oxşar xüsusiyyətli digər nəqliyyat vasitələrini (mopedlər istisna olmaqla), eləcə də həmin nəqliyyat vasitələri ilə yedəyə almaq qadağan ediləcək.

Mopedlər yol nişanları və ya yol nişanlanmasının tələblərinə riayət etməklə mümkün qədər yolun sağ kənar zolağında hərəkət etməlidirlər. Bu qanunun 37-ci maddəsinin I və IV hissələri, V hissəsinin 2-4-cü bəndləri, VI hissəsinin 2-ci bəndində nəzərdə tutulmuş tələblər moped sürücülərinə də şamil ediləcək.

Bununla yanaşı, motosikletin və mopedin uzunu ve ya eni üzrə qabaritlərindən 0,5 metrdən artıq kənara çıxan və ya motosikleti, mopedi idarə etməyə mane olan yük aparmaq qadağan ediləcək.

Qanun layihəsi səsverməyə qoyularaq birinci oxunuşda qəbul edilib.

[xfgiven_embed] [/xfgiven_embed] [xfgiven_youtube][/xfgiven_youtube]

OXŞAR XƏBƏRLƏR
Tramp: İstəsəm İsrail iki dəqiqəyə ora girər
Tramp: İstəsəm İsrail iki dəqiqəyə ora girər
Qəzzada təhlükəsizliyi Türkiyə, Azərbaycan, Misir və İndoneziya təmin edəcək - KİV
Qəzzada təhlükəsizliyi Türkiyə, Azərbaycan, Misir və İndoneziya təmin edəcək - KİV
Prezident Astanada rəsmi qarşılandı - Video
Prezident Astanada rəsmi qarşılandı - Video
Türkiyədə holdinq rəhbəri həbs edildi
Türkiyədə holdinq rəhbəri həbs edildi
Lavrov-Rubio görüşü təxirə salındı
Lavrov-Rubio görüşü təxirə salındı
Gələn ay 4 gün iş olmayacaq
Gələn ay 4 gün iş olmayacaq
"Green Card" üçün qeydiyyatın başlanması niyə gecikir? - RƏSMİ CAVAB
"Green Card" üçün qeydiyyatın başlanması niyə gecikir? - RƏSMİ CAVAB
Mincivan qəsəbəsinin işğaldan azad olunmasından beş il ötür
Mincivan qəsəbəsinin işğaldan azad olunmasından beş il ötür