2026-cı il büdcəsi Azərbaycanın qarşısında duran hədəflərə nail olmağa imkan verir - Spiker

Cənab Prezident İlham Əliyevin yürütdüyü məqsədyönlü siyasət nəticəsində Azərbaycanın iqtisadi müstəqilliyi möhkəmlənib.

Bunu Milli Məclisin bu gün keçirilən iclasında parlamentin sədri Sahibə Qafarova 2026-cı ilin büdcə zərfinin müzakirəsində deyib.

O bildirib ki, bu il büdcə müzakirələri Konstitusiya və Suverenlik İlinə təsadüf edir: “Azərbaycan Prezidenti İlham Əliyevin rəhbərliyi ilə həyata keçirilən inkişaf strategiyası ötən dövrdə ölkəmizin makroiqtisadi sabitliyini qorumağa təkan verib. Azərbaycanın iqtisadi müstəqilliyi də möhkəmlənib. İqtisadiyyatın şaxələndirilməsi siyasəti uğura davam etdirilir. Bu gün Qarabağda və Şərqi Zəngəzurda innovasiyalar üzərində qurulan yeni iqtisadi model formalaşır. Qlobal çağırışların gücləndiyi şəraitdə Azərbaycan büdcə gəlirlərinin artımını, maliyyə ehtiyatlarının möhkəmlənməsini təmin edib. 2026-cı ilin büdcəsi ölkənin milli təhlükəsizliyinin və müdafiə qabiliyyətinin gücləndirilməsi, Böyük Qayıdışın həyata keçirilməsi kimi hədəflərlə bağlı olacaq”.

Spiker onu da əlavə edib ki, ölkənin müdafiə qabliyyətinin gücləndirilməsi və təhlükəsizliyinin etibarlı şəkildə təmin edilməsi məqsədilə növbəti ilin büdcəsində zəruri maliyyə vəsaitinin ayrılması da nəzərdə tutulur. “Növbəti ilin büdcəsi Azərbaycanın qarşısında duran hədəflərə nail olunmasına imkan verəcək”, - o qeyd edib.

[xfgiven_embed] [/xfgiven_embed] [xfgiven_youtube][/xfgiven_youtube]