Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev, ölkə tarixində dərin iz qoymuş liderlərdən biri kimi xalqın yaddaşında qalır. Onun rəhbərliyi ilə ölkəmiz yalnız iqtisadi və sosial cəhətdən deyil, həm də hərbi və geosiyasi baxımdan güclənmiş, dünyada söz sahibi olan dövlətlər sırasına daxil olmuşdur.
İlham Əliyev Ali Baş Komandan kimi özünü tarixə Qarabağ Zəfərinin memarı kimi yazdırmışdır. 2020-ci ilin 44 günlük Vətən müharibəsində onun uzaqgörən, qətiyyətli və cəsarətli rəhbərliyi sayəsində Azərbaycan Ordusu misilsiz qəhrəmanlıq göstərmiş, torpaqlarımız işğaldan azad edilmişdir. Bu zəfər təkcə hərbi sahədə deyil, diplomatik və informasiya savaşında da Azərbaycan dövlətinin üstün mövqeyini təsdiqlədi.
İlham Əliyev müharibənin ilk günlərindən etibarən həm cəbhədəki komandanlıq prosesini uğurla idarə etdi, həm də beynəlxalq platformalarda Azərbaycanın haqq səsini dünyaya çatdırdı. Onun informasiya müharibəsində sərgilədiyi bacarıqlı çıxışlar, dünya liderləri ilə apardığı danışıqlar və xalqa ünvanladığı ruhverici müraciətlər xalqda həmrəyliyi, güvəni və milli ruhu gücləndirdi.
Prezident İlham Əliyevin siyasətində şəhid ailələri və qazilər xüsusi yer tutur. Vətən uğrunda canlarını fəda etmiş şəhidlərin ailələrinə dövlət başçısının göstərdiyi diqqət və qayğı, bu ailələrin sosial təminatının yaxşılaşdırılması üçün həyata keçirilən layihələr və dövlət proqramları onun insan yönümlü siyasətinin nümunəsidir.
Dövlət tərəfindən şəhid ailələrinə və müharibə veteranlarına mənzillər, avtomobillər, maddi yardımlar təqdim olunur. Onların təhsil, səhiyyə və məşğulluq hüquqlarının təmin olunması üçün xüsusi proqramlar hazırlanıb. Müasir reabilitasiya mərkəzlərinin yaradılması qazilərin sağlamlıqlarının bərpasına yönəlmiş addımlardandır.
Prezident tez-tez şəhid ailələri və qazilərlə birbaşa görüşlər keçirir, onların müraciətlərini şəxsən dinləyir və dərhal həll olunması üçün göstəriş verir. Bu, dövlət başçısının bu kateqoriyadan olan vətəndaşlara nə qədər səmimi və həssas yanaşdığını nümayiş etdirir.
İlham Əliyev hər zaman “Mən hər bir azərbaycanlının Prezidenti olacağam” prinsipinə sadiq qalmışdır. Onun rəhbərliyi ilə sosial sahədə həyata keçirilən genişmiqyaslı islahatlar milyonlarla vətəndaşın həyat səviyyəsinin yaxşılaşdırılmasına xidmət etmişdir. Son illərdə əmək haqları, pensiyalar və sosial müavinətlərin əhəmiyyətli dərəcədə artırılması, ünvanlı sosial yardımların genişləndirilməsi və şəffaflaşdırılması, aztəminatlı ailələrin sosial müdafiəsi kimi tədbirlər sosial ədalətin bərqərar olunmasına yönəlmişdir.
Bundan əlavə, pandemiya dövründə və post-müharibə dövründə xalqın sosial və iqtisadi çətinliklərinə qarşı çevik və effektiv tədbirlər görülmüş, minlərlə ailəyə birbaşa dövlət dəstəyi göstərilmişdir. Bu da Prezidentin xalqına bağlılığını və onunla birgə olduğunu bir daha sübut etmişdir.
İlham Əliyevin dövlətçilik anlayışı milli birlik, siyasi sabitlik və strateji inkişaf üzərində qurulub. Onun daxili və xarici siyasətində xalqın maraqları hər zaman əsas prioritet kimi dayanır. Azərbaycanın suverenliyinin qorunması, ərazi bütövlüyünün təmin olunması və beynəlxalq müstəvidə tanıdılması istiqamətində atılan addımlar dövlətçilik tariximizdə qızıl hərflərlə yazılır.
Onun rəhbərliyi ilə “Azərbaycan brendi” dünya miqyasında tanınır və hörmətlə qarşılanır. Bu uğurlar yalnız güclü iqtisadi göstəricilər və diplomatik uğurlarla deyil, həm də xalqla dövlət başçısı arasında olan qarşılıqlı etimadla bağlıdır.
Prezident İlham Əliyev yalnız güclü bir lider deyil, həm də xalqına və vətəninə sonsuz sədaqətlə xidmət edən bir dövlət başçısıdır. Onun Ali Baş Komandan kimi rəhbərliyi ilə əldə olunan Qələbə, şəhid ailələrinə və qazilərə göstərdiyi diqqət, xalqın rifahı naminə həyata keçirdiyi sosial siyasətlər və milli maraqlara əsaslanan dövlətçilik anlayışı Azərbaycan tarixində əbədi olaraq yadda qalacaqdır.
Bu gün Azərbaycan vətəndaşı olmaq həm qürur, həm də güvən mənbəyidir. Bu güvənin arxasında isə güclü və xalqı ilə bir olan bir lider – İlham Əliyev dayanır.
[xfgiven_embed] [/xfgiven_embed] [xfgiven_youtube][/xfgiven_youtube]
Xuraman Muradova: Böyük Zəfərin quruculuq mərhələsi
Müşfiq Tarverdiyev: Tarixi Zəfərin simvolları - Müzəffər Prezident, yenilməz ordu və dəmir yumruğa çevrilmiş xalq
Manaf Ağayev: Milli qürur günü - Həmrəylik, azadlıq və müstəqillik simvolu
Fərahim müəllim: “Şanlı qürur tariximiz”
Təranə Rəcəbli: Peşəkarlıqla Sağlam Gələcəyə Dəstək
